దేశవ్యాప్తంగా యూబీఐ శాఖల్లో అప్రెంటిషిప్ ఖాళీల భర్తీకి మానవ వనరుల శాఖ, సెంట్రల్ ఆఫీస్ ఆన్ లైన్ దరఖాస్తులను ఆహ్వానిస్తోంది. ఈ నోటిఫికేషన్ ఏడాది కాలనికి 1,865 ఖాళీలను భర్తీ చేస్తోంది. ఈ నోటిఫికేషన్ ప్రకారం తెలంగాణలో 164, ఏపీలో 303 ఖాళీలున్నాయి. డిగ్రీ ఉత్తీర్ణులైన అభ్యర్థులు ఈ పోస్టులకు దరఖాస్తు చేసుకోవచ్చు.
పోస్టుల వివరాలు:
- అప్రెంటిస్ షిప్ ఖాళీలు: 1865
- తెలంగాణ ఖాళీలు: 164
- ఏపీ ఖాళీలు: 303
రిజర్వేషన్ల వారీగా.. - అన్ రిజర్వ్ డ్ -863
- ఎస్సీ – 289
- ఎస్టీ – 131
- ఓబీసీ -447
- ఈడబ్ల్యూఎస్ – 175
అర్హత: అభ్యర్థులు గ్రాడ్యుయేషన్ పూర్తి చేసి ఉండాలి. ఏప్రిల్ 1, 2026 నాటికి డిగ్రీ పూర్తి అయి ఉండాలి. దరఖాస్తు చేసుకునే రాష్ర్ట స్థానిక భాషలో మాట్లాడటం, రాయడం, చదవడంలో నైపుణ్యం కలిగి ఉండాలి.
ట్రైనింగ్: ఒక సంవత్సరం
స్టైపెండ్: బ్రాంచ్ ఉన్న ప్రాంతాన్ని బట్టి నెలకు స్టైపెండ్ ఇస్తారు.
- రూరల్ లేదా సెమీ అర్బన్ లో స్టైపెండ్: రూ. 15000
- అర్బన్ లో స్టైపెండ్ రూ. 18000
- మెట్రోసిటీలో స్టైపెండ్ రూ. 20,000 అందిస్తారు.
వయసు: ఏప్రిల్ 1, 2026 నాటికి 20 నుంచి 28 ఏళ్ల మధ్య ఉండాలి. ఎస్సీ, ఎస్టీలకు 5 ఏళ్లు, ఓబీసీలకు 3 ఏళ్లు, పీడబ్ల్యూబీడీ అభ్యర్థులకు 10 నుంచి 15 ఏళ్లు వయో పరిమితిలో సడలింపు ఉంటుంది.
ఎంపిక: ఆన్ లైన్ పరీక్ష జనరల్ అవేర్ నెస్, ఇంగ్లిష్, క్వాంటటేటివ్ ఆప్టిట్యూడ్ అండ్ రీజనింగ్ కంప్యూటర్ నాలెడ్జ్, యూనియన్ బ్యాంక్ ఆఫ్ ఇండియా ప్రొడక్ట్స్ అండ్ సర్వీసెస్ అంశాలపై ఉంటుంది.
పరీక్ష వ్యవధి: 60 నిమిషాలు
స్థానిక భాషా పరీక్ష: ఆన్ లైన్ పరీక్షలో అర్హత సాధించిన వారికి స్థానిక భాషా నైపుణ్యాన్ని పరీక్షిస్తారు.
పరీక్షా విధానం: ఆన్ లైన్ లో పరీక్ష నిర్వహిస్తారు.
- జనరల్ ఇంగ్లిష్ (20 ప్రశ్నలు, 20 మార్కులు)
- క్వాంటిటేటివ్ అండ్ రీజనింగ్ ఆప్టిట్యూడ్ (20 ప్రశ్నలు, 20 మార్కులు)
- కంప్యూటర్ లేదా సబ్జెక్ట్ నాలెడ్జ్ (20 ప్రశ్నలు, 20 మార్కులు)
- యూనియన్ బ్యాంక్ ఆఫ్ ఇండియా ప్రొడక్ట్స్ అండ్ సర్వీసెస్ (20 ప్రశ్నలు, 20 మార్కులు)
దరఖాస్తు ఫీజు:
- జనరల్, ఓబీసీ పురుషులకు రూ. 944
- జనరల్, ఓబీసీ మహిళలకు రూ. 708
- ఎస్సీ, ఎస్టీ దివ్యాంగులు, ట్రాన్స్ జెండర్ అభ్యర్థులకు రూ. 236
ముఖ్యమైన తేదీలు:
ఆన్ లైన్ దరఖాస్తులు : ఏప్రిల్ 29, 2026 నుంచి మొదలు
చివరితేదీ: మే 19, 2026
ఆన్ లైన్ పరీక్ష తేదీ: మే లేదా జూన్ 2026 (టెంపరరీ)
వెబ్ సైట్: https://www.unionbankofindia.co.in
